13 апрел Шӯрои ВАО-и Тоҷикистон бо донишҷӯёни шӯъбаи рӯзноманигории Донишгоҳи славянии Русияву Тоҷикистон, дар мавзӯи риояи Меъёрҳои ахлоқии журналистӣ ва ҳамзамон оид ба ҳуқуқу ӯҳдадориҳо дар #Интернет вохӯрӣ баргузор кард. Ин вохӯрӣ дар доираи лоиҳаи “Беҳтар намудани фазои ҳуқуқии ВАО” доир гардид, ки аз тарафи #internewstj дастгирӣ меёбад.
-Ҳамаи мову шумо истифодабарандагони фаъоли шабакаҳои иҷтимоӣ ҳастем ва онҷо касби худро рӯзноманигор навиштаем. Барои ин шуморо мебояд, ки дар ҳама гуфтаву шарҳҳои худ эҳтиёткор бошед ва дар он ҷо ҳам Меъёрҳои ахлоқии журналистиро риоя кунед. Ҳоло шумо донишҷӯ ҳастед, бо ВАО ҳам ҳамкорӣ доред, ва агар ҳарчӣ бештар ин меъёрҳоро пайгирӣ мекунед, ҳамон қадар матлабҳое, ки омода мекунед ҳирфаӣ қабул карда мешаванд, қайд кард Ҳуриннисо Ализода, Роҳбари Шӯрои ВАО-и ҶТ. Ҳамзамон хонум Ализода оид ба фаъолияти кори Шӯро, салоҳияти он ва лоиҳаҳое, ки айни замон амалӣ мешаванд, ба донишҷӯён нақл кард. Умед Бобохонов, Роҳбари гурӯҳи расонаҳои “Азия Плюс” афзуд, ки – Риояи Меъёрҳои ахлоқии журналистӣ як роҳнамое аст, ки шуморо ҳамчун як рӯзноманигори ҳирфаӣ ба воя мерасонад. Ҳоло самтҳои зиёде ба мисли робита бо ҷомеа (PR), бозорёбӣ дар шабакаҳои иҷтимоӣ (SMM) ҳастанд, ки рӯзноманигорон бо онҳо сару кор доранд.
Матнҳои тиҷоратӣ менависанд. Ин самтҳоро ҳам Меъёрҳои ахлоқии фаъолияти журналистӣ танзим мекунанд. Дар идома, ширкаткунандагон доир ба роҳ надодани хато ҳангоми кор дар Интернет, худтанзимкунӣ, меъёрҳои ахлоқии журналистӣ, гузоштани лайку шарҳҳо, паҳн кардани гузоришҳо ва чӣ гуна аз ҷониби қонунгузорӣ ва Меъёрҳи ахлоқӣ танзим шудани онҳо маълумот гирифтанд, саволҳои худро пешниҳод карда, ҷавоб гирифтанд. Дар назар аст, ки чунин вохӯрӣ дар факултети журналистикаи Донишгоҳи миллии Тоҷикистон низ баргузор гардад.
Манбаъ: iinternewstj
