Нахуст директори Китобхонаи миллӣ доктори илмҳои педагогӣ, профессор Ҷумъахон Файзализода ҳозиронро муаррифӣ намуда хайра мақдам гуфт.
Сипас ӯ нашри китоби “Инъикоси фаъолияти Президенти Ҷумҳурии Тоҷикистон дар рӯзномаи “Ҷумҳурият” (солҳои 2019- 2022)-ро дар арафаи 111- солагии Рӯзи матбуоти тоҷик фоли накӯ номида мақсад ва муҳтавои ин китоби тозанашрро тарҷеҳ дод.
Баъд сухан ба сармуҳаррири нашрияи расмии Ҳукумати Тоҷикистон Қурбоналӣ Раҳмонзода дода шуд, ки мавсуф аз нашри китоб ва инъикоси фаъолияти Президенти Тоҷикистон дар “Ҷумҳурият” ва зарурати ҳамчунин як дастури библиографӣ сухан кард.
Раҳмоналӣ Шералиев – сардори раёсати табъу нашри Вазорати фарҳанги ҷумҳурӣ низ аз ин падидаи нек ва маводи хубе барои пажӯҳишгарони сиёсӣ ва илмӣ будани он андешаҳои хешро иброз намуд.
Раиси Шӯрои ВАО-и Тоҷикистон ҲУРИННИСО АЛИЗОДА низ аз нақши матбуоти тоҷик дар рушди тафаккури ҷомеа ва зарурати созандагии ҳарфи журналистон дар ин даврони хабарпароканиҳои сарчашмаҳои ғайрирасмӣ ҳарф зад.
Мавсуф низ аз он ки замоне муовини директори Китобхонаи миллии Тоҷикистон буду, давроне корманди нашрияи расмии Ҳукумати Ҷумҳурии Тоҷикистон ва аз нашри бибилиографии ин китоб ва дар таҳияи медиатекаи Президенти кишвар саҳм доштани худ ва кормандони Китобхона ёдовар гашта ба кормандони шӯъбаи библиогрфии он изҳори сипос кард.
Сармуҳаррирони нашрияҳои “СССР” ва “Минбари халқ” Сайёфи Мизроб ва Сӯҳроб Рауфзода ҳам табрикоти хешро барои нашри ин китоби библиографӣ ва заҳматҳои китобдорон баён карданд.
Сайёфи Мизроб ҳамчунин аз зарурати такмили хазинаи Китобхонаи миллӣ ва дарёфти нусхаҳои ҳама нашрияҳои даврӣ масъалагузорӣ намуд.
Журналист Абдуқодири Раҳим низ аз камбуду муваффақиятҳои нашри китоб сухан намуда аз камии теъдоди нашри он изҳори нигаронӣ намуд.
Дар ин ҳамоиш мушовири калони Президенти Тоҷикистон Н. Оқилов низ ҳузур дошт, ки ин иқдоми китобдорони тоҷикро дар арафаи рӯзи матбуоти тоҷик муборакбод намуда, ба роҳбарият и Китобхонаи миллӣ дар идома додани ин амали илмӣ- фарҳангӣ барору комёбиҳо таманно намуд.
Дастури мазкур дар шакли электронӣ низ ба хидмати хонандагони бешумори китобхонаҳои кишвар пешниҳод хоҳад шуд.
